Онлайн сургалтаар үнэ төлбөргүй Бакалавр зэрэг эзэмших боломж

АНУ-ын University of the People нь онлайнаар дээд боловсрол олгодог ашгийн бус академик институт юм. Бизнесийн Удирдлага, Програм хангамж гэсэн 2 чиглэлээр бакалаврын зэрэг олгодог. Дээд боловсрол эзэмшихийг хүссэн хэн боловч энэхүү сургуульд үнэ төлбөргүй суралцах боломжтой.

Орлогоо нэмэгдүүлж, амьдралын чанараа дээшлүүлье

Хоёр жилийн өмнө би Yahoo news-ээс орлогоо нэмэгдүүлж, санхүүгийн байдлаа дээшлүүлэх талаар зөвлөмж уншиж байсан юм. Тэр дундаас хамгийн их сэтгэгдэл төрүүлсэн нь ОРЛОГО=БОЛОВСРОЛЫН ТӨВШИН гэсэн томъёолол. Өөрөөр хэлбэл ямар сургууль төгссөн, ямар боловсрол эзэмшсэн нь тухайн хүний ажлын карьер, цалин хөлстэй шууд холбогдоно. Гэтэл нэгэнт амьдралын их замд хөлд тавиад, цалингаас цалингийн хооронд амьдарч байгаа бол дахин мэргэжил дээшлүүлэхээр сурах нь бүтэшгүй зүйл мэт санагдаж байгаа биз. Ялангуяа гадны өндөр хөгжилтэй оронд сурахад их зардал гарахаас гадна энд байгаа ирээдүйтэй ажлын байраа яаж хадгалах вэ, үр хүүхэд, гэр орноо яах вэ гэсэн асуудал гарч ирнэ. Харин тэрхүү зөвлөмж дээр санал болгосон нэг арга нь онлайнаар суралцаж зэрэг ахиулах.

Олон улсын оюутнуудад тэтгэлэг олгодог ТОП 100+ их сургууль

Америк, Австрали, Англи, Европ, Азийн шилдэг их дээд сургуульд үнэ төлбөргүй суралцахыг хүсч байна уу. Маш олон сургууль жил бүр олон улсын оюутнуудад зориулж тэтгэлэг олгодог. Та бүхэнд тэдгээр сургуулиудын албан ёсны хуудсыг үсгийн дарааллаар хүргэж байна.